Monthly Archive: January 2017

ಲೋಗರಾಟಗಳನಾಡು ಗೊಮ್ಮಟನ ತೆರದಿ

( ಕಗ್ಗವೊಂದನ್ನು Grp.Capt. ಶ್ರೀಹರಿ ಕೌಶಿಕ್ ಕಳುಹಿದ ಅವರೇ ತೆಗೆದ ಚಿತ್ರದ ಪ್ರೇರಣೆಯಿಂದ ಹದಿನಾಲ್ಕು ಸಾಲಿನ ಸುನೀತವಾಗಿಸಿದ್ದೇನೆ sonnet )


_________________________________________________

ಲೋಗರಾಟಗಳನಾಡು ಗೊಮ್ಮಟನ ತೆರದಿ

ಎರಡು ಕೋಣೆಗಳ ನೀಂ ಮಾಡು ಮನದಾಲಯದಿ ।
ಹೊರಕೋಣೆಯಲಿ ಲೋಗರಾಟಗಳನಾಡು ॥
ವಿರಮಿಸೊಬ್ಬನೆ ಮೌನದೊಳಮನೆಯಲಿ ಶಾಂತಿಯಲಿ ।
ವರಯೋಗಸೂತ್ರವಿದು – ಮಂಕುತಿಮ್ಮ ॥ ೭೦೧ ॥

ಚಿರಸ್ಥಾಯಿ ಇನಬಿಂಬ ತೆರನಂತೆ ನಿಲುಮೆಯಲಿ ।
ಪೊರೆ ನೀನು ಒಳಕೋಣೆಯೊಳ ಸ್ಥಿತಿಯ ಜಾಣ್ಮೆಯಲಿ ॥
ಗರಡಿಯನು ಅಣಿಮಾಡಿ ಗೊಮ್ಮಟನ ರೀತಿಯಲಿ ।
ಹೊರಲೋಕದರಿವೆಲ್ಲಿ ಮನ ಬ್ರಹ್ಮದಲಿ ನಿಲಲು ॥

ಹೊರಕೋಣೆಯಾಗುವುದು ನಿನ ಸ್ಥೈರ್ಯಪ್ರತಿಬಿಂಬ ।
ಮೊರೆವವಲೆಯಲೆಗಳೀ ಬಾಳದೋಣಿಯಲೀ ॥
ಪರಿಪರಿಯ ರೂಪದಲಿ ಪ್ರತಿರೂಪ ಮಿಡಿಯುವುದು ।
ಹಿರಿತನದಿ ಮಿಡಿಯುವುದು ಒಳರೂಪವಲುಗದಿರೆ ॥

ಹೊರಕೋಣೆಯಲಿ ಲೋಗರಾಟಗಳನಾಡು ॥
ವಿರಮಿಸೊಬ್ಬನೆ ಮೌನದೊಳಮನೆಯಲಿ ಶಾಂತಿಯಲಿ ॥

_________________________________________________

ಪಥದೊಳಿಳಿ ( Get onto the road towards your destination)

Inspired by the beautiful sunset on this beautiful Arabian Road.

Summary: No point in having big goals until you get onto the road and start working towards it.

The sun starts and shines every day and hence is able to move to his destination day in and day out.

Can be used in Corporate Context, where strategy without action, plans without execution are useless.

Thanks to Manju Iyengar (my cousin), for the beautiful pictures.

________________________________________________________

ಪಥದೊಳಿಳಿ 

ಪಥಿಕರೆಲ್ಲರು ಗುರಿಯ ಹೊಂದುವ

ಕಥೆಯಿದಲ್ಲವೆ ನಿತ್ಯ ನೂತನ

ಪೃಥುಲವಿವನದು ಅರುಣಕಿರಣವು

ಪ್ರಥೆಯ ಹೊಂದಿದೆ ಜಗದ ಬಯಲಲಿ

ಸಾರ್ಥವಾಗಿದೆ ಸುದಿನವೀ ಪರಿ

ಮಥನಮಾಡಿರಿ ಮನದೊಳ್ ನಿಮ್ಮ

ತಥ್ಯವಿದ ನೀವ್ ಪಥ್ಯ ಮಾಡಿರಿ

ಪಥದೊಳಿಳಿಯದೆ ಗುರಿಯು ವ್ಯರ್ಥವು

________________________________________________________

ಅರ್ಥಗಳು:

ಪಥಿಕ ದಾರಿಯಲ್ಲಿ ಇರುವವನು

ಪೃಥುಲ = ಹಿರಿಯ, ದೊಡ್ಡ

ಪ್ರಥೆ ಕೀರ್ತಿ, ಹಿರಿಮೆ

ಮಥನ = ಕಡೆಯುವುದು, ಮಂಥನ

ತಥ್ಯ ನಿಜ, ಸತ್ಯ, ದಿಟ

ಪಥ್ಯ ಆಹಾರ

ಪಥ ದಾರಿ

ತಿರುಪ್ಪಾವೈ ಮೂರನೆಯ ಪಾಶುರ (ಪದ್ಯ) – ಓಂಗಿ ಉಳಹಳಂದ

ಅಂಡಾಳ್ ವಿರಚಿತ

ತಿರುಪ್ಪಾವೈ

 

ಕನ್ನಡ ಭಾವಾನುವಾದ

— ಮೈನಾಶ್ರೀ ೦೨ -೦೧ -೨೦೧೭

 

“ಓಂಗಿ ಉಳಹಳಂದ” ಪಾಶುರದ ಕನ್ನಡ ಪದ್ಯ

 

———————

ಬೆಳೆದು ಲೋಕಂಗಳನು ಅಳೆದ

ಉತ್ತಮನ ಹೆಸರ್ ಹಾಡಿ

ಕಳೆದು ಕಲುಷವ ನಾವು ನಮ್ಮಯ

ಪಾವೈಯೋಕುಳಿ ಆಡುತ

ಖಳವ ಕೊಡಹಿದ ನಾಡಲ್ ಮಾಸದಿ

ಮೂರ್ಬಾರಿ ಮಳೆಯು ಸುರಿಯುತ

ಬೆಳೆದ ಸುಂದರ ಹಿರಿಯ ನೆಲ್ಲಲಿ

ಆಡುತ  ಕಿರು ಮೀನ್ ಗಳು

ಹೊಳೆವ ದುಂಬಿಯು ಚೆಲುವ ಹೂವಿನ

ಎಸಳ ಹೊದೆದು ಮಲಗಿದೆ

ಮೊಲೆಯು ತುಂಬಿದ ಕಾಮಧೇನುಗಳ್

ಶಿಲೆಯ ಚಂದದಿ ನಿಲ್ಲುತ

ಚೆಲ್ಲಿ ಸೂಸಿವೆ ಕೊಡವ ಹರಿಸಿವೆ

ಗೋಪ ಮನವ ತುಂಬುತ

ಅಳಿಯದಿರದ ಐಸಿರಿಯು ಬಂದಿದೆ

ಪಾವೈ ವ್ರತವು ತರುತಿದೆ         || ೩ ||


ತಿರುಪ್ಪಾವೈ

ಹಿಂದಿನ ಪಾಶುರ

ಮುಂದಿನ ಪಾಶುರ